គន្លឺះសិក្សាសំរាប់សិស្សមធ្យម ឬ ខ្សោយបើពិតជាចង់ជាប់បាក់ឌុបឆ្នាំនេះ ~ Limbique

រូបភាពប្រភពពី : www.willbrehm.com

អត្ថបទនេះគឺលើកឡើងពីគន្លឺះសំខាន់ៗមួយចំនួន សំរាប់សិស្សកំរិតមធ្យម ឬ ខ្សោយក្តី ដើម្បីអាចប្រលងជាប់ នាសម័យប្រលង ២៤ សីហា ២០១៥ ខាងមុខនេះ ។
បើអ្នកព្យាយាម អ្នកគង់តែបានសំរេច,

១. គិតថាខ្លួនឯងអាចធ្វើបាន

បើទោះបីអ្នកជាសិស្សមធ្យម ឬ ខ្សោយយ៉ាងណាក្តី តែគន្លឺះដំបូងដើម្បីអាចប្រលងជាប់ គឺ ការតាំងចិត្ត និង គិតថាខ្លួនឯងនឹងអាចធ្វើបាន ហើយត្រូវនិយាយថា ខ្ញុំនឹងអាចប្រលងជាប់ដោយសមត្ថភាពខ្ញុំ ។ បើសិនជាអ្នកនៅតែអោបក្រសោបការព្រួយបារម្ភ ដោយមិនបានខិតខំរៀនសូត្រ ហើយ នៅតែនិយាយថា អ្នកមិនអាចប្រលងជាប់ទេ នោះគំនិតអវិជ្ជមានរបស់អ្នក នឹងក្លាយជាលេស ដែលធ្វើឲអ្នកមិនខំប្រឹងឲអស់ពីសមត្ថភាព ដែលការពិត គឺ អ្នកក៏អាចប្រលងជាប់ដែរ ។

ផ្ទុយទៅវិញបើសិនជាអ្នក ថាអ្នកមិនសូវចេះមែន តែអ្នកត្រូវតែប្រឹងរៀនដើម្បីឲប្រលងជាប់នាពេលខាងមុខ ដោយយកគំរូតាមគន្លងដែលសិស្សដែលធ្លាប់ប្រលងជាប់នាឆ្នាំមុនៗ ជាពិសេសឆ្នាំមុន នោះអ្នកនឹងខិតខំឲអស់ពីសមត្ថភាពរួចលទ្ធផលប្រាកដជាសមប្រកប ។

គេអាចធ្វើបាន អ្នកក៏អាចធ្វើបាន

២. ស្គាល់កាលៈទេសៈ

អ្នកត្រូវដឹងថា ពេលនេះ គី ពេលដែលអ្នកត្រូវការជាប់ មិនមែនត្រូវការចេះទាំងអស់គ្រប់មុខទេ ព្រោះការចេះមេរៀនគ្រប់មុខ គី ត្រូវការពេល មិនមែនមួយរយៈពេលខ្លីនោះទេ ។ ដូចនេះអ្នកត្រូវប្រឹងក្នុងកំរិតណាមួយឲសមល្មម អាចជាប់គ្រប់មុខបាន ឬ ឲជាប់ត្រឹមពិន្ទុអប្បបរិមា, គប្បីមិនគួរប្រឹងខ្លាំងតែមួយមុខនោះទេ ។

អ្នកត្រូវ ស្គាល់ពេល ស្គាល់វេលា

៣. ស្គាល់ខ្លួនឯង

អ្នកត្រូវស្គាល់ឯង ថា ខ្លួននៅស្ថិតនៅ កំរិតណា, អាចធ្វើបានប៉ុន្មាន ចេះអ្វីខ្លះ !

ជាក់ស្តែងពិន្ទុសំរាប់ជាប់ក្នុងឆ្នាំនេះ គឺ ២៣៧ពិន្ទុ ដូច្នោះអ្នកត្រូវតែចាប់ផ្តើមតេស្តសមត្ថភាពខ្លួនឯង ដោយសាកធ្វើលំហាត់ប្រលងឆ្នាំមុន ហើយ កំណត់ពេលវេលាឲដូចប្រលងមែនទែន ដោយ យកវិញ្ញាសាឆ្នាំមុនមក(ឬវិញ្ញសាឆ្នាំមុនៗ) រួចទាញក្រដាស ស មកធ្វើ ដោយ កំណត់ពេលជាក់លាក់ ហើយមិនត្រូវបើកមើលកំណែអ្វីឡើយ កំលុងពេលតេស្តនេះជាក់ស្តែងគឺ ធ្វើដោយខ្លួនឯង ១០០% ពេញម៉ោង ទោះបានតិច ឬ ច្រើនក្តី ចូរព្យាយាមធ្វើ និង សរសេរដោយខ្លួនឯង ជាមុនសិន ។ រួចពេលដល់ម៉ោងកំនត់ ចូរពិនិត្យថាអ្នកធ្វើបានប៉ុន្មានភាគរយ, ចំនុចណាដែលពិបាក ចំនុចណាអាចធ្វើបាន ។

ដឹងខ្លួនឯងចេះអ្វី មិនចេះអ្វី ជាមុនទើបរកដំណោះស្រាយស្រួល

៤. ហ្វឹកហាត់

ក្រោយពីដឹងថាអ្នកស្ថិតនៅកំរិតណា ចេះអ្វី ខ្សោយអ្វី ចេះប្រូបាប តែអត់សូវចេះរកអាស៊ីមតូតរបស់ខ្សែកោង អត់ចេះថ្លឹងសមីការគិមី ……ល…… រួចអ្នកត្រូវចាប់ផ្តើមដោះស្រាយវាភ្លាម បើមិនចេះចំនុចណា អ្នកត្រូវសួរមិត្តភក្តិ ឬ លោកគ្រួអ្នកគ្រូ ដែលចេះឲជួយពន្យល់អ្នក ឲបានយល់ ចូរកុំខ្លាចនូវការសួរ, សិស្សភាគច្រើនខ្លាចការសួរ និង សុំការជួយពន្យល់ពីមិត្តភក្តិព្រោះវាហាក់បីដូចមានន័យថាខ្លួនឯងអន់ ឬ មិត្តភក្តិចំអកថាមិនចេះ ប៉ុន្តែវាមិនមែនដូច្នោះទេ, មិត្តភក្តិអ្នកមិនដែលគិតដូច្នោះឡើយ ពោលគឺ ចង់ឲជាប់បាក់ឌុបទាំងអស់គ្នា បើទោះពួកគេនិយាយលេងទៅអ្នកក្តី ។ អ្នកអាចទាញយកសៀវភៅសង្ខេបរបស់ក្រសួងអប់រំ ដែលជាគោលគ្រឹះជំនួយស្មារតីសំរាប់ជាទុនក្នុងពេលប្រលង រីឯចំពោះមុខវិជ្ជាគិតលេខ,ដោះស្រាយ ដូចជា គណិត គិមី អ្នកក៏អាចសាកទិញសៀវភៅកំណែ ដែលមានលំហាត់ រួចសាកធ្វើវា និង មើលការពន្យល់របៀបដោះស្រាយរបស់វា រីឯចំពោះមុខវិជ្ជាទាក់ទងនឹងសង្គម ដូចជា ប្រវត្តិវិទ្យា ភូមិវិទ្យា ជាដើម ចូរអ្នកមើលនិងអានក្នុងសៀវភៅពុម្ពរបស់ក្រសួងអប់រំ រួចចាប់យកចំនុចដែលសំខាន់ៗ ។

ខ្សោយត្រង់ណា ពង្រឹងត្រង់ណា កុំខ្លាចសួរពេលមិនចេះ

៥. របត់ប្រចាំថ្ងៃ

ទោះបីជាអ្នកខំទៅរៀនគួរយ៉ាងច្រើន យ៉ាងណាក្តី ជាមួយគ្រូពូកែ យ៉ាងណា តែបើពេលរៀនអ្នកមិនយកចិត្តទុកដាក់ ស្តាប់គ្រូពន្យល់ ហើយ មកដល់ផ្ទះអ្នកមិនបានរំលឹក ឬ ធ្វើវាដោយខ្លូនឯងនោះទេ ចុងក្រោយចំនេះដឹងរបស់អ្នកនឹងនៅតែដដែល ឬ កើនតិចបំផុត, ចូររៀនដោះស្រាយលំហាត់ដោយខ្លួនឯង ។ ជាកំហុសមួយទៀតបើសិនជាប្រឹងរៀនខ្លាំងពេក ដោយមិនបានថែទាំសុខភាព គេងមិនគ្រប់គ្រាន់ជាពិសេសនៅមុនថ្ងៃប្រលង២ ៣ ថ្ងៃ ដូចនេះអ្នកត្រូវគេងឲបានគ្រប់គ្រាន់៦ទៅ៨ម៉ោង ហើយគួរកុំចំណាយពេលលេងទូរស័ព្ទច្រើនពេកក្នុងន័យកំសាន្ត ដូចជាលេង Facebook,Line,Instagram, Clash of Clan ។

អ្នកមិនចាំបាច់ត្រូវទៅរៀនគួររហូតនោះទេ បើសិនជាអ្នកនៅតែមិនរៀនធ្វើវាដោយខ្លួនឯង

អ្នកគួរនៅផ្ទះហឹ្វកហាត់ធ្វើលំហាត់ និង មើលមេរៀន រួចសំរាក ដើម្បីបង្កើនទំនុកចិត្ត ។

ហើយខាងក្រោមនេះជាគេហទំព័ររបស់ក្រសួងអប់រំ ដែលបាននូវមេរៀនសង្ខេប ព្រមទាំងវីដេអូបង្រៀនគណិតវិទ្យាផងដែរ
http://krou.moeys.gov.kh/kh/component/jak2filter/?isc=1&category_id=1&xf_1=12&st=any&language=km-KH

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.