សិស្សទី១២គួរត្រៀមអ្វីខ្លះបើចង់រៀនពេទ្យ

អត្ថបទនេះគឺសំរាប់សិស្សទី១២ដែលទើបប្រលងបាក់ឌុបហើយថ្មីៗនេះ  រួចមានចិត្តចង់ក្លាយជាគ្រូពេទ្យ​ឬ ក្រុមវេជ្ជសាស្រ្ត នាថ្ងៃអនាគត ដើម្បីជួយវិស័យសុខាភិបាលយើងទាំងអស់គ្នាឲកាន់តែរឹងមាំ ។ ដូចនេះអ្នកត្រូវសំរេចចិត្តឲបានច្បាស់លាស់ និង ដឹងរឿងមួយចំនួន មុននឹងចូលប្រលូកវិស័យមួយនេះ ៖

១. ច្បាស់ថាអ្នកពិតជាចង់រៀន

មុខវិជ្ជាមួយនេះ ពិតជាសំខាន់​ដែលទាមទារខ្ពស់នូវការស្រលាញ់ចំពោះវិស័យមួយនេះយ៉ាងពិតប្រាកដ ។ អ្នកគួរតែជ្រើសរើសវាចេញពីចិត្ត ដែលចង់ជួយអ្នកដទៃ មិនមែនរៀនព្រោះតាមមិត្តភក្តិនោះទេ ជាពិសេសចូរកុំគិតថា ដើម្បីតែលុយ, បើធ្វើការរដ្ឋ អាជីពជាគ្រូពេទ្យគឺ ធ្វើការទទួលប្រាក់ខែ មិនមែន រកស៊ី នោះទេ ដូច្នោះបើអ្នកចង់រៀនព្រោះតែលុយ ចូរសាកពិចារណាម្តងទៀត ។

តើអ្នកពិតជាចង់ក្លាយជាគ្រូពេទ្យដ៏ល្អមួយមែនទេ ?

២. ត្រៀមចិត្ត

នេះជាកត្តាសំខាន់ ដែលខ្ញុំគិតថា អ្នកគួរត្រៀមជាពិសេសជាងគេ គឺ ទឹកចិត្ត ។ វិស័យវេជ្ជសាស្រ្តសព្វថ្ងៃ គឺ មានឈ្មោះមិនសូវល្អ ដែលអ្នកតែងតែលឺ គេរិះគន់ និង វាយប្រហារជាច្រើន ដែលការពិត ពត៏មានខ្លះគឺមិនមានភាពច្បាស់ការណ៏ ហើយខ្លះទៀតគឺមកពី ភាពមិនយោគយល់គ្នា&ការយល់ចំពោះផ្នែកវេជ្ជសាស្រ្ត របស់បងប្អូនប្រជាពលរដ្ជយើង ។ បែបបទបង់ថ្លៃ/ព្យាបាលក្នុងមន្ទីរពេទ្យ និង ការយល់អំពីការព្យាបាល គឺ ពិបាកនិងពន្យល់ទៅកាន់ប្រជាជនបន្តិច ( ព្រោះយើងរៀនដល់ទៅ ៦-១០ឆ្នាំ ទើបអាចដឹងនិងយល់ ចឹងរឿងខ្លះគឺពិបាកដែរ ក្នុងការពន្យាល់ប្រជាជន ) ដូច្នោះអ្នកត្រូវអត់ធ្មត់ខ្លាំង ក្នុងការទទួលពាក្យអវិជ្ជមាន បើទោះបីអ្នកបានធ្វើត្រូវ និង តាមក្រមសីលធម៏ក្តី ហើយចូរព្យាយាមពន្យល់ពីបហ្ហាដែលតែងយល់ច្រលំគ្នា របស់អ្នកជំងឺទៅកាន់គ្រូពេទ្យ ។ សង្ខេបយ៉ាងខ្លី គឺ ត្រូវអត់ធ្មត់ ធ្វើច្រើនជាងនិយាយ ។

ត្រូវអត់ធ្មត់ ធ្វើច្រើនជាងនិយាយ

៣. ប្រឹងមុខវិជ្ជាគោលទាំងបី
មុខវិជ្ជាដែលអ្នកត្រូវប្រឹង និង ត្រៀមមុនប្រលងចូល គឺ គណិតវិទ្យា គិមីវិទ្យា និង ជីវវិទ្យា ។

អ្នកអាចមើលលំហាត់នៅក្នុងសៀវភៅពុម្ពទាំង៣មុខ រួចសាកល្បងធ្វើវា ព្រោះតាមឆ្នាំកន្លងមក គឺ លំហាត់ជ្រើសយកពី សៀវភៅពុម្ព (តែឆ្នាំនេះមិនដឹងថាក្រុមសាស្រ្តាចារ្យដែលចេញវិញ្ញាសាប្រលងរក្សាទំលាប់នេះឬក៏អត់) ។ តែអ្នកក៏អាចទៅរៀនគួរបន្ថែមនៅ សាលានាៗផ្សេងៗទៀត ហើយតាមបទពិសោធន៏ខ្ញុំ គឺ មានសាលា២ ដែលឈានមុខក្នុងការរៀនត្រៀម មុននឹងប្រលងចូលវិស័យនេះ ទី១ គឺ វគ្គបំប៉នត្រៀមប្រលងថ្នាក់ជាតិ និង មជ្ឈមណ្ឌលសាស្រ្តាស្លឹករឹត ។ អ្នកអាចសាកសួរពត៏មានអំពីសាលាទាំងពីរតាមរូបខាងក្រោម ៖

៤. ភាសា

បន្ទាប់ពីអ្នកត្រៀមមុខវិជ្ជាគ្រឹះទាំងបីនេះ អ្នកក៏គួរតែត្រៀមនូវភាសាបរទេសផងដែរ ព្រោះការសិក្សាក្នុងសាកលវិទ្យាល័យវេជ្ជសាស្រ្ត មិនថា សាកលវិទ្យាល័យវិទ្យាសាស្រ្តសុខាភិបាល សាកលវិទ្យាល័យពុទ្ធសាស្រ្ត ឬ សាកលវិទ្យាល័យអន្តរជាតិក្តី ការសិក្សាតែងតែយោងតាមឯកសារបរទេស លាយជាមួយពាក្យបច្ចេកទេស ដែលជារឿងពិបាកសំរាប់អ្នកទាំងអស់គ្នាមុនដំបូង ( បារាំង និង អង់គ្លេស) ។ ដូច្នោះបើសិនជាអ្នកបានរៀនភាសាបរទេសទុកមុន​ គឺ មានផលល្អណាស់ មានហេតុផល១សំខាន់ គឺ ព្រោះជាធម្មតា ការប្រលងថ្នាក់ជាតិតែងតែប្រព្រឹត្តទៅក្រោយពេលសាកលវិទ្យាល័យដទៃ អាចថា ខែ វិច្ឆិកា ខែ ធ្នូ ឬ ខែ មករាឆ្នាំមួយទៀតក៏មាន ចឹងបើអ្នកបានរៀនទុកមុន ពេលចូលរៀនតាមសាលានីមួយៗ អ្នកច្បាស់ជាតាមទាន់មេរៀនដោយការងាយស្រួល ហើយចំនែកគ្រឹះស្ថានភាសាបារាំងមួយចំនួនដែលមានការគាំទ្រច្រើនមានដូចជា IFC ( alliance = អាលឺយង់ ) , Poly Valences , IFL ជាដើម ។

ត្រៀមទុកមុន ពេលរៀនប្រាកដជាតាមទាន់

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post